۴تله ۱۳۹۹

د کرنې، اوبولګولو او مالدارۍ وزارت هلې ځلې کوي، چې د چاپېریال ساتنې، د اقليم بدلون دمخنيوي، خاورې ساتنه، د سېلابونو مخنيوي، شاتو مچيو روزونکو ته اسانتيا برابرول، د وړو څارويو (پسونو او وزو)روزنې او په ټوله کې دبيرې شاتو د توليد د پراختيا په پار چې نړيوال اقتصادي او روغتيايي مخينه لري د هېواد په کچه په کرنيز سکټور کې نوی اقتصادي بوټي ور وپېژني.

په همدې موخه لغمان کې دبيرې سلګونه هکټاره ځنګلونه اېښودل شوي دي، چې اوس يې ښه وده کړي او ځنګلونه يې په ګل راغلي.

د کرنې وزارت پدې پرتمینه خوشحالۍ کی د بیرې ګل مېله او کرنیز نندارتون تر عنوان لاندې مېله او نندارتون په لاره اچوي، چې د شاتو مچيو روزونکو د بيرې توليد شوي شات او نورو کر نيزو توکو ته بازار موندنه وشي.

چارواکي وايې چې، دبيرې ځنګلونه د شاتو مچیو فارم لرونکو ترڅنګ د مالدارۍ ودې، د سیلابونو په وسیله د ځمکې تخریب په مخنیوي، د اقلیم بدلون سره مبارزه، د مضره ګازو د جذب او د طبیعي ځنګلونو د پرېکولو په مخنیوي کې رغنده رول لري.