د کرنې، اوبولګولو او مالدارۍ وزارت د لوی اختر د رارسېدو په درشل کې دا اړتیا محسوسوي، چې د هېوادوالو د روغتیا خوندي کولو په پار د کانګو تبې په هکله لازم مالومات وړاندې کړي.

د کانګو وینه بهېدونکي تبه «CCHF» یوه مرګوني میکروبي «ویروسي» ناروغي ده، چې له څارویو څخه انسانانو ته انتقالیږي. ددې ویروس عمده سرچینه په شخوندوهونکو څارویو «پسونو، وزو او غواوو» کې ده. ددې وایروس لېږدونکي تر ډېره کنې دي. دغه ناروغي له اخته حیوان څخه انسان ته او له یوه انسانه بل ته د اخته ناروغ سره له نېږدې اړیکو، ترشعاتو او د هغه د بدن د نورو مایعاتو له لارې لېږدي.

د کانګو له ویروسي خطرناکې ناروغۍ څخه د خپل ځان د ساتنې په موخه لازم ټکي ته پاملرنه وکړئ.

۱- دڅارویو د ساتلو ځایونه باید د ډاکټر د مشورې سره سم دواپاشي شي ترڅو کنې له منځه ولاړې شي.

۲- د څارویو د حلالې پر وخت له دستکشو او سپینې چپنې، چې د اوږدو لستوڼو لرونکي وي ګټه واخیستل شي ترڅو کنه پرې معلومه شي.

د څارویو د حلالې یا د پوستکي د ایستلو پر وخت باید د حلالې چاړه په خوله کې ونه نېول شي او یا هم د وجود په زخم ونه وهل شي.

۳- د څارویو د حلالې یا د پوستکي د ایستلو پر وخت باید د حلالې چاړه په خوله کې ونه نېول شي او یا هم د وجود په زخم ونه وهل شي.

۴- روغتیایي کارکوونکي، د ناروغ خپلوان او یا هغه کسان، چې د ناروغ کس سره سرو کار لري باید له محافظتي کالیو، لکه خولی، ماسک، پیش بند، د ستکش او موزې څخه کار واخلي.

۵- که چېرې مو لاسونه زخمي وي نو د څارویو له حلالولو او یا ټوټه کولو څخه ځان وژغورئ.

۶- هیڅکله د څارویو کنې په لوڅو لاسونو مه وژنئ.

۷-د څارویو سره د تماس او یا د څارویو د ساتلو د ځای تر پاکولو وروسته خپل لاسونه په اوبو او صابون پاک ووینځئ.

۸-د حلالې څه وروسته ټول ضایعات، په خوندي ځایونو کې ښخ کړئ ترڅو د ناروغۍ له خپرېدو څخه مخنوی وشي.

۹- تازه غوښه د ۲۴ ساعتونو لپاره مه استعمالوئ. ښه خبره داده، چې تر ۲۴ ساعتونو پورې غوښه په یخچال کې وساتل شي.