ننګرهار کې د شاتو تولید د پراختیا په پار هڅې؛ د شاتو مچیو ۳۰۰ روزونکو سره مرسته وشوه

content_admin
یکشنبه ۱۴۰۰/۴/۲۰ - ۱۴:۵۴
ننګرهار کې د شاتو تولید د پراختیا په پار هڅې؛ د شاتو مچیو ۳۰۰ روزونکو سره مرسته وشوه

۲۰ چنګاښ ۱۴۰۰
ننګرهار چې، د ځانګړې هوا او غوره کرنیزو تولیداتو له کبله هميشه بهار يې هم بولي د بېلابېلو شاتو او ګلانو په لرولو سره د شاتو د توليد په برخه کې د هېواد تر ټولو مخکښ ولايت دی، خو ددې ولایت د کرنې ریاست هلې ځلې کوي، چې د یاد ولایت د شاتو تولیدات لا ډېر کړي. په همدې موخه یاد ریاست تل ددې ولایت د شاتو مچیو پالونکو سره مرستې او همکارۍ کوي، چې ددغو مرستو په دوام داځل هم ددې ولایت د ۲۲ ولسوالیو له ۳۰۰ شاتو مچیو پالونکو سره د شاتو مچیو د پالنې د اړونده توکو مرسته وشوه.
د ننګرهار د کرنې، اوبولګولو او مالدارۍ رییس انعام الله صافی وایي، چې په دغو مرسته شویو توکو کې موم، د درملو شېندلو پمپ، خوراکه، بوشکې، د شاتو ټولولو پنجې، درې سایزه بوتلونه، د لوګي پمپ، خولۍ، د ملکو د لېږدونې قفسچې، د پیوندي ملکو د تولید حجري او نور اړونده توکي شامل دي، چې په دې ولایت کې د شاتو تولید زیاتوالي او د شاتو مچیو پالونکو د ملاتړ په پار پر دوی وېشل شوي دي.
ښاغلی صافی وایي، چې په ننګرهار کې د شاتو مچیو نږدې ۶۰۰ لوی او واړه فارمونه شتون لري، چې تر ۴۵زره د شاتو کورنۍ په کې روزل کیږي، چې سږکال ترې ۵۵۰ ټنه شات ترلاسه شوي دي.
د چارواکو په خبره، د ننګرهار د شاتو مچیو په فارمونو کې له ۲۲ تر ۳۰ ډوله د شاتو مچۍ شتون لري او په دغو فارمونو کې نږدې دوه زره ښځینه او نارینوو ته د کار زمینه هم برابره شوې ده.
په دې وروستیو کلونو کې په ننګرهار کې د شاتو مچیو د ساتلو دود وده کړې او هغه شمېر کسان، چې په دې ولایت کې د مچیو فارمونه لري، وايي چې د شاتو مچیو په ساتلو سره یې تر ډېره برېده اقتصادي ستونزې هوارې شوي دي او له همدې لارې د خپل ژوند لومړنۍ اړتیاوې پوره کوي.
د کرنې وزارت له خوا د دولت، موسسو، شاتو مچیو روزونکو او د شاتو تولیدوونکو ترمنځ د اړیکو ټینګولو او بازار موندنې په پار ننګرهار ولایت کې د شاتو مچیو ټولنه هم جوړه شوې ده. دغه ټولنه د کروندګرو او شاتو مچیو روزونکو د ستونزو هوارولو ترڅنګ د شاتو مچیو صنعت ته د ودې ورکولو او د شاتو د تولید په برخه کې هم کار کوي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت