لغمان کې د شاتو تولیدات زیات شوي

mail-admin
چهارشنبه ۱۳۹۹/۱۱/۱۵ - ۱۵:۲۰
لغمان کې د شاتو تولیدات زیات شوي

۱۵ سلواغه ۱۳۹۹
د لغمان ولایت د کرنې، اوبولګولو او مالدارۍ ریاست چارواکي وایي، چې د شاتو مچیو روزنې صنعت د پراخېدو او د مالدارۍ سکتور د پیاوړتیا په پار یې د شاتو مچیو روزنکو سره په ګډه هڅې پیل کړي دي، ترڅو په دې ولایت کې د شاتو مچیو روزنې صنعت ته وده او پراختیا ورکړي، ددغو هڅو په پایله کې ددې ولایت د شاتو د تولیداتو کچه څه باندې ۹۴ ټنو ته ورسېد.
د لغمان ولایت د کرنې رییس جمیل خوشحال په وینا د یاد ولایت په  مرکز مهترلام، الینګار، آلیشنګ، او قرغه یو ولسوالیو کې د شاتو مچیو ۹۶ فارمونه د خصوصي سکتور او دولت له لوري جوړ شوي دي،  چې تر نهه زره او ۵۳۶ کورنیو په شاوخوا کې مچۍ پکې روزل کېږي، چې له یادو فارمونو څخه سږ کال څه باندې ۹۴ ټنه شات تولید شوي دي.
د یاد ولایت د کرنې ریاست په خبره دا مهال په لغمان کې ډول ډول شات تولیدېږي او خورا مشهور یې د شوتل یا شبدر او لاچي دي، چې د لغمان په ګډون، ننګرهار، کابل او نورو ګڼو ولایتونو ته د پلور په موخه صادرېږي.
لغمان د موسمي او غوره اقلیمي شرایطو په درلودلو سره د شاتو مچيو روزلو او شاتو توليد لپاره مناسبه هوا او چاپېريال لري او دا ددې لامل شوې، چې په دې ولایت کې د شاتو مچيو روزلو صنعت ورځ تر بلې وده وکړي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت