فراه کې د غنمو ننداریزو کروندو جوړولو په پار پر یوشمېر بزګرانو مرستې ووېشل شوې
۲۴ تله ۱۴۰۴ هـ.ش
۲۳ رَبِیعُ الْثاني ۱۴۴۷ هـ.ق
د فراه ولایت دکرنې، اوبولګولو او مالدارۍ ریاست له خوا د دی ولایت مرکز او دغه راز د پشت رود، خاکسفید او شیب کوه په ولسوالیوکې پر یوشمېر بزګرانو د غنمو د ننداریزو کروندو جوړولو په پار د غنمو اصلاح شوي تخمونه، کیمیاوي سرې او نغدې پیسې و ویشل شو.یاده مرسته د کرنې،ابولګولو او مالداری وزارت د پراختیایي بودیجې له لارې ترسره شوه.
ددې مرستې موخه د بزګرانو د مهارتونو لوړول، د معیاري تخمونو استعمال، د سرې مؤثر کارونه او د حاصلاتو زیاتوالی دی.
په دې لړ کې هر بزګر ته ۲۵ کیلوګرامه دغنمو اصلاح شوي تخم، ۲۵ کیلوګرامه توره او ۵۰ کیلوګرامه سپینه سره او دغه راز د کروندې جوړولو په پار ۱۰۰۰ افغانۍ نغدې پیسې شامل وو.
دغه پروګرام د کرنیزو معیاري لارو چارو د ترویج، د حاصلاتو د لوړوالي او د بزګرانو د اقتصادي وضعیت د ښهوالي لپاره یو مهم ګام بلل کېږي
