فاریاب کې د زعفرانو درېیمه جشنواره او د کرنیزو توکو نندارتون پرانیستل شوه
۷ لېندۍ ۱۳۹۸
فاریاب کې د زعفرانو درېیمه جشنوار او د کرنیزو توکو او لاسي صنایعو نندارتون ددې ولایت د والي نقیب الله فایق، دولتي سیمه ییزو چارواکو، د کرنې دسکټور همکارو موسسو، د مدني ټولنو استازو، د سپینږيرو شورا، د زعفران کارانو ټولنې، کرنیز کوپراټیفونو او د بزګرانو وړي ګروپونه، کروندګرې مېرمنې، زعفران کاران او د میمنې ښار اړونده و کیلانو په شتون کې پرانیستل شوه.
په دې غونډه کې د فاریاب د کرنې، اوبولګولو او مالدارۍ رییس عبدالکبیر فرزام فاریاب کې په تېرو لسوکلونو کې د زعفرانو د کرکېلي پر لاسته راوړنو او په کورنیو او بهرنیو بازارونو کې د زعفرانو پر اقتصادي اهمیت او له زعفران کارو بزګرانو سره د دولت پر ملاتړ خبرې وکړې.
په همدې حال کې د فاریاب والي، نقیب الله فایق د زعفرانو د تولید، پروسس او بسته بندی پر پرمختګونو او ستونزو خبرې وکړې او په دې برخه کې دکرنې وزارت د لا ډېرو همکاریو غوښتنه وکړه.
په دې جشنواره کې د کرنیزو محصولاتو ترڅنګ د مېرمنو لاسي صنایع هم نندارې ته وړاندې شوي دي.
باید وویل شي، چې افغانستان خپل د زعفرانو د تولید پنځه کلنه طرحه په دوو کلونو کې پلي کړی دی او دمګړۍ په نړۍ کې د زعفرانو درېیم تولیدوونکی هېواد دی. د افغانستان زعفران د کیفیت له پلوه په نړۍ کې لومړی ځای لري.
