غور ولایت کې د څړځایونو د سروې او تثبیت بهیر پیل شو

mail-admin
چهارشنبه ۱۴۰۵/۷/۲۲ - ۱۰:۱
آغاز روند سروی و تثبیت علفچرها در ولایت غور

۲۲ تله ۱۴۰۵ هـ.ش
۲ جُمَادَى الأول ۱۴۴۸ هـ.ق
د غور په ولایت کې د څړځایونو د سروې او تثبیت بهیر پرانیستغونډه د کرنې، اوبو لګولو او مالدارۍ وزارت د استول شوي پلاوي او د دغه ولایت د سیمه‌ییزې ادارې د چارواکو په ګډون ترسره شوه.
په دې غونډه کې د غور ولایت د مقام د دفتر رییس او سرپرست مولوي غوث‌الدین قانع، د کرنې، اوبو لګولو او مالدارۍ وزارت د اراضۍ رییس مولوي محمود مظلوم، د قدرتي سرچینو لوی رییس مولوي حسین مدني او د استملاکي پروژو د انسجام رییس مولوي حمیم صادقي هم ګډون کړی و.
د غور ولایت د مقام سرپرست وویل، چې دغه بهیر د عالیقدر امیرالمؤمنین حفظه‌الله د حکم پر بنسټ، د څړځایونو د سروې، تثبیت او تشخیص او په دې برخه کې د شته ستونزو د هواري په موخه پیل شوی دی.
نوموړي زیاته کړه، چې د همدې موخې لپاره د ځمکو د تصفیې او د مالکیت حق د تثبیت ریاست د تصفیې متخصص مولوي خلیل په مشرۍ اووه تخنیکي ټیمونه دغه ولایت ته استول شوي دي. هغه ټینګار وکړ، چې سیمه‌ییزه اداره او اړوند مسؤلین به په مرکز او ولسوالیو کې له دغو ټیمونو سره بشپړه همکاري وکړي.
ورپسې د کرنې، اوبو لګولو او مالدارۍ وزارت د اراضۍ رییس مولوي محمود مظلوم د تخنیکي ټیمونو د فعالیتونو د موخو او څرنګوالي په اړه معلومات وړاندې کړل او د څړځایونو د سروې او تثبیت په بهیر کې یې د سیمه‌ییزو مسؤلینو او نورو اړوندو ادارو د همکارۍ غوښتنه وکړه.
همدارنګه، د غور ولایت د کرنې، اوبو لګولو او مالدارۍ، د فرمانونو او حکمونو د څارنې او تعقیب او عدلیې ریاستونو مسؤلینو په دې برخه کې شته ستونزې او ننګونې مطرح کړې او له تخنیکي ټیمونو سره یې پر هر اړخیزې همکارۍ ټینګار وکړ.
د یادونې وړ ده، چې دغه بهیر په غور ولایت کې د څړځایونو د پېژندنې، سروې او تثبیت او ورسره د تړلو ستونزو د هواري په موخه پیل شوی دی.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت