د کرنې پراختیا صندوق او د کډوالو او راستنېدونکو چارو وزارت تر منځ د څه باندې دوه ملیارډه اففانیو په ارزښت د پور ورکونې هوکړه لیک لاسلیک شو

naim.rezai
چهارشنبه ۱۴۰۰/۴/۹ - ۱۶:۵۱
د کرنې پراختیا صندوق او د کډوالو او راستنېدونکو چارو وزارت تر منځ د څه باندې دوه ملیارډه اففانیو په ارزښت د پور ورکونې هوکړه لیک لاسلیک شو

۹ چنګاښ ۱۴۰۰
د کرنې د پراختیا صندوق "ADF"او د کډوالو او راستنېدونکو چارو وزارت ترمنځ هېواد ته په راستنېدونکو ګډوالو د وېش په پار  د ۲.۲ میلیارډه افغانیو په ارزښت د پور ورکونې هوکړه لیک لاسلیک شو.
ددې هوکړه لیک په لاسلیک غونډه کې د کرنې، اوبولګولو او مالدارۍ وزارت د کرنې او مالدارۍ مرستیال شېرشاه امیري وویل، چې د کرنې پراختیایي صندوق له لارې، چې یو غیري بانکي بنسټ دی، هلې ځلې کوي، چې هېواد ته راستنېدونکو ګډوالو ته د کرنې په برخه کې د چوپړتیاوو وړاندې کولو په پار د پوروکونې د  استانتیا رامنځته کړي.
هغه وویل، چې ددې هوکړه لیک پر اساس، د پنځو کلونون په ترڅ کې دکرنې په برخه  کې هغو فعالو نهه زره کسانو ته چې د کډولو او راستنېدونکو وزارت له خوا مغرفي کېږي ۲.۲ميليارډه افغانۍ پور  ورکول کېږي.
په همدې حال کې د کډوالو او راستنېدونکو چارو وزارت د پالیسۍ او برنامو مرستیال شیرعلم املوال وویل،چې ددې تړون پراساس کورنيو او بهرنيو کډوالو ته د کاري فرصتونو او کارموندنې زمينه برابرېږي.
 دکرنې د پراختیا صندوق "ADF" یو مالي دولتي غیر بانکي بنسټ دی، چې د کرنې، اوبولګولو او مالدارۍ وزارت تر چتر لاندې فعالیت کوي او د تاسيس له پيل څخه تردې دمه دکرنې او مالدارۍ اړوند په بېلابېلو برخو کې څه باندې ۱۳ميليارډه افغانۍ پور منظور کړی دی. ددې صندوق له لارې تر دې دمه ۵۶ زره بزګران ۱۰.۷ ميليارډه افغانۍ پورونه تر لاسه کړي دي.
دکرنې د پراختيا صندوق مشر ايمل آرمان وايي چې ددغو پورونو وېش دکاري فرصتونو او توليداتو د زياتوالي په برخه کې ډېرې اغېزې درلودې.

تازه ترین اخبار

چهارشنبه ۱۴۰۴/۶/۵ - ۱۱:۱۵
Background image

د کرنې وزارت د اراضۍ رياست لخوا تراسپورت او هوايي چلند وزارت ته ځمکه ولېږدول شوه

۵  وږی ۱۴۰۴ هـ.ش
۳ رَبِیعُ الْأَوَّل ۱۴۴۷ هـ.ق
د کرنې، اوبولګولو او مالدارۍ وزارت د اراضۍ ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد. . .

چهارشنبه ۱۴۰۴/۶/۵ - ۹:۴۱
Background image

ننګرهار کې د کرنیزو او مالدارۍ  پروژو د چټک تطبیق او ادارې اصلاحاتو په پار هلې ځلې

 ۵  وږی ۱۴۰۴ هـ.ش
۳ رَبِیعُ الْأَوَّل ۱۴۴۷ هـ.ق
د ننګرهار د کرنې، اوبو لګولو او مالدارۍ ریاست د ادارې د اصلاح، کرنیزو خدمتونو د پیاوړتیا او د بزګرانو او مالدارانو د ملاتړ لپاره نوې. . .

چهارشنبه ۱۴۰۴/۶/۵ - ۹:۲۲
Background image

ننګرهار: تورخ بندر کې ۱۰۵ ټنه بې کیفیته جوار بېرته پاکستان ته مسترد شول

۵  وږی ۱۴۰۴ هـ.ش
۳ رَبِیعُ الْأَوَّل ۱۴۴۷ هـ.ق
د ننګرهار ولایت د تورخم بندر د نباتي قرنطین مدیریت چارواکي وایي، چې د یاد بندر مسوولینو د پاکستان څخه افغانستان ته د ۱۰۵ ټنه بې کیفیته. . .

بازگشت