د کرنې وزارت لخوا د طبیعي پېښو پر وړاندې د مبارزې ادارې ته ځمکه ولېږدول شوه
۵ سلواغه ۱۴۰۴ه.ش
۶ شَعبان المُعَظّم ۱۴۴۷ه.ق
د کرنې، اوبولګولو او مالدارۍ وزارت د اراضۍ ریاست کې جوړه شوې غونډه کې، چې د اراضۍ ریاست د ځمکو د انتقال او وېش رییس حافظ عبدالکبير زاهد او د طبیعي پېښو په وړاندې د مبارزې ملي ادارې مالي او اداري رييس مولوي عبدالله محمدي ګډون درلود، د کرنې وزارت د اراضۍ رياست لخوا د طبیعي پېښو پر وړاندې د مبارزې ادارې ته ځمکه ولېږدول شوه.
ياده ځمکه د طبيعي پېښو په وړاندې د مبارزې ادارې په وړانديزونو او د عالیقدر امیرالمؤمنین (حفظه الله تعالی) د حکم په اساس د اراضۍ رياست لخوا يادې ادارې ته د پروان ولایت شینوارو ولسوالی کې په ۶۰ جريبه ځمکه سېلاب ځپلو خلکو ته د هغو د ستونزو د حل په موخه ولېږدول شوه.
د یادې ځمکې لېږد ټړون د کرنې وزارت اراضۍ ادارې د ځمکو د انتقال او وېش رئيس حافظ عبدالکبير زاهد او د طبیعي پېښو په وړاندې د مبارزې ملي ادارې مالي او اداري رييس مولوي عبدالله محمدي ترمنځ لاسلیک شو.
