د کرنې، اوبو او انرژۍ او کلیو پراختیا وزارتونو ترمنځ د ارغنداب د اوبولګولو پر پروژې غونډه وشوه

۲۶ لېندۍ ۱۳۹۸
د کرنې، اوبولګولو او مالدارۍ وزارت د اوبولګولو او طبیعي سرچینو مرستیال ښاغلي حشمت الله غفوري په مشرۍ د کرنې، د کلیو او پراختیا او د اوبو او انرژۍ وزارتونو ترمنځ د ارغنداب اوبولګولو پر پروژې خبرې اترې وشوې.
په دې غونډه کې د پروژې پر موخو، د کار پر پیلېدو، د سیمه ییز دفتر پر جوړولو او د کارکوونکو پر استخدم خبرې اترې وشوې. ددې ترڅنګ په دې غونډه کې د ارغنداب د اوبولګولو د پروژې د خاورې، اوبو او کرنې لپاره د ځمکې پر مطالعاتو او د کانالونو د سروې او ډېزاین په هکله هم خبرې اترې وشوې.
د سروې له مخې د ارغنداب حوزوې ځمکې د سبو، انګورو او نورو بڼونو او دغه راز د غلو دانو او حبوباتو کښت لپاره مناسبه ځمکه ده. په دې حوزه کې د مګړۍ د اوبولګولو وړ ۵۴ زره او ۸۸ هکټاره ځمکې دي، چې ددې پروژې تر پليکېدو وروسته به دغه کچه ۶۵ او اند ۹۰ زره هکټارو ته ورسیږي.
یاده پروژه د اقتصادي ودې لامل او د اوبو غیر منظم مدیریت ته د پای ټکی کږدي. ددې ترڅنګ دا پروژه به د اوبولګولو د زیربناو مدیریت او د څارنې او کنټرول د سیسټمونو ملاتړ هم وکړي.