د پکتیکا زیړوک ولسوالی کې شنې خونې جوړېږي
۲۲ سلواغه ۱۴۰۳ه.ش
۱۱ شَعبان المُعَظّم ۱۴۴۶ه.ق
د پکتیکا دکرنې، اوبولګولو او مالدارۍ ریاست چارواکي وایي، چې د کلیو د بیارغونې مؤسسې په تخنیکي همکارۍ په دې ولایت کې د موسمي سبو د کرکیلي دودولو او د بزګرانو د ملاتړ په پار شنې خونې جوړېږي.
د پکتیکا دکرنې ریاست چارواکي وایي، چې دغه شنې خونې د پکتیکا ولایت د زیړوک په ولسوالی کې جوړېږي، چې رغنیزې چارې به یې په نږدې راتلونکي کې بشپړ او ګټې اخیستنې ته به وسپارل شي.
دغه شنې خونې په ټولو موسمونو کې سابه او ترکاریو ته دپکتیکا ولایت د زیړوک د خلکو د لاس رسي، د موسمي تولیداتو زیاتوالی او په بازارونو کې د کرنیزو حاصلاتو د ډېرښت په پار په دې ولسوالی کې جوړېږي.
