د پکتیا چشمه ماران څېړنیز فارم کې د غلهجاتو اصلاح او ناروغیو د څېړنو تجربه وشوه
۱۷ لړم ۱۴۰۳ه.ش
۵ جُمَادَى الأول ۱۴۴۶ه.ق
د پکتیا ولایت د کرنې، اوبو لګولو او مالدارۍ ریاست د کرنیزو خدمتونو آمریت، د کرنیزو څېړنو لوی مدیریت اړوند د چشمه ماران څېړنیز فارم کې د غلهجاتو اصلاح او ناروغیو د څېړنې په موخه د کښت پروسه ترسره کړه. د کرنیزو څېړنو انستیتوت له خوا پلاوی، چې د تطبیقي او توافقې څېړنو رییس دوکتور محمد رفیع باوري او د نباتي ناروغیو او افتونو د څېړنو آمریت غړی عبدالغفور پکې شامل وو، دغه فارم ته ورغلي وو. پلاوي ټولو متخصصینو ته د کرنیزو تجربو او نباتي ناروغیو په اړه معلومات وړاندې کړل او د ناروغیو اړوند یوه تجربه یې وکرله.
همدارنګه یې د فارمونو لیدنه وکړه، ستونزې یې واورېدلې، او د تجربو په برخه کې یې د فارم متخصصینو ته اضافي معلومات ورکړل.
