د هلمند د کرنې رییس مرکزي ګدامونو کې د زېرمه شوو غنمو څخه لیدنه وکړه
۶ مرغومې ۱۴۰۳ه.ش
۲۴ جُمَادَى الثاني۱۴۴۶ه.ق
د هلمند ولایت د کرني، اوبولګولو او مالدارۍ رییس الحاج مولوي نیازمحمد وهاج مرکز لښکرګاه کې د زېرمه شوو غنمو څخه له نږدې لیدنه وکړه.
ددغې لیدنې پر مهال مالي او اداري، د اجناسو محاسبې مدیرانو او جنسي معتمد هم حضور درلود.
د هلمند دکرنې رییس په مرکزي ګدامونو کې د ځای پر ځای شوو غنمو د حفظ او مراقبت چارې له نږدې ولیدلې، هغه همدارنګه مسؤلو کارکوونکو ته د غنمو د ښه حفاظت په موخه لازمې سپارښتنې وکړې.
د هلمند دکرنې رییس همدارنګه د یادو زېرمتونو د ځینو برخو د ترمیمولو، او هلته د اړتیاؤ د پوره کولو برخه کې مربوطه مسؤلینو ته لازمې لارښوونې وکړې.
