د نورستان د نورګرام ځنګل د اورلګېدنې پر بېړنۍ قابوکولو د کرنې وزیر ټینګار

mail-admin
چهارشنبه ۱۴۰۰/۳/۲۶ - ۱۴:۴۸
د نورستان د نورګرام ځنګل د اورلګېدنې پر بېړنۍ قابوکولو د کرنې وزیر ټینګار

۲۶ غبرګولی ۱۴۰۰
د کرنې، اوبولګولو او مالدارۍ وزیر ډاکټر انوارالحق احدي، دکرنې وزارت اړوندو ریاستونو او د نورستان ولایت دکرنې ریاست ته سپارښتنه وکړه، چې د نورستان د نورګرام ولسوالۍ په ځنګل کې دې اورلګېدنه ژر تر ژره قابو کړي.
دکرنې، اوبولګولو او مالدارۍ وزیر نن یوځل بیا ددې وزارت چارواکوته دستور ورکړ چې د اورلګېدنې د قابوکولو په پار دې ژر لاس په کار شي او سیمې ته لازم تجهیزات واستوي.
د نورستان دکرنې رییس عبدالوهاب نسیمي وایي، چې د نورګرام په ولسوالۍ کې د دوو قومونو ترمنځ د وسله والې جګړې په پایله کې، ددې ولسوالۍ د شام درې ځنګلونه اور اخیستي دي.
ښاغلی نسیمي زیاته کړه، چې اورلګېدنه د کورګل درې خوا ته په پراخېدو ده. د هغه په خبره، تر دې دمه نږدې ۱۷۴ هکټاره ځنګل سوځېدلې ده. په دې سیمه کې د ځنغوزې، نښتر او بلوط ځنګلونه دي.
د نورستان دکرنې رییس وایي، چې د کرنې وزیر د سپارښتنې پر اساس، د اورلګېدنې د قابو کولو په پار ددې وزارت د طبیعي سرچینو لوی ریاست له خوا سیمې ته توکي او تخنیکي امکانات استول شوي دي، او هلې ځلې کېږي، چې دا اورلګېدنه ژر تر ژره قابو شي.
د نورستان دکرنې رییس عبدالوهاب نسیمي وایي، چې په ځینو سیمو کې د اورلګېدنې شدت ډېر او په ځینو نورو سیمو کې لږ دي.
د نورستان ولایت د نورګرام ولسوالۍ په ځنګل کې اورلګېدنه له څلورو ورځو را په دېخوا دوام لري.
دمګړۍ د اورلګېدنې شدت کم شوی دی او هلې ځلې کېږي، چې په بشپړ ډول قابو شي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت