د ملکي خدمتونو د کارکوونکو د اجراآتو ارزونې نویو لارو چارو په موخه روزنیز پروګرام په لاره واچول شوه

۱۵ مرغومې ۱۳۹۹
د کرنې، اوبولګولو او مالدارۍ وزارت د ملکي خدمتونو او اداري اصلاحاتو خپلواک کمیسیون سره په هغږۍ، د ملکي خدماتو د کارکوونکو د اجراآتو ارزونې نویو لارو چارو په موخه درې ورځنۍ  روزنیز پروګرام په لاره اچولی دی.
د ملکي خدمتونو د اجراآتو ارزونې په نویو فورمونو کې د حساب ورکوونې او د دندو خوندیتوب په موخه انډول په پام کې نیول شوی دی. ددې فورم پر اساس، د ملکي خدمتونو د کارکوونکو د کړنو د ارزونې په نويو لارو چارو کې، د ملکي خدمتونو په ادارو کې د مکافاتو او مجازاتو اصل منطقي او د کړنو پر بنسټ کیږي، هېوادوالو ته د چوپړتیاوو وړاندې کول، په مسوولیت، روڼتیا او ځواب ورکوونې سره باید تر سره شي او په دولتي بنسټونو کې د نوښت کلټور پراختیا ومومي. د نیو لارو چارو پر اساس، د ملکي خدمتونو د کارکوونکو روزنیز او پراختیایي وړتیاوې او اړتیاوې په سمه توګه تشخیص او د ملکي خدمتونو مامورین اړ کیږي، چې د خپلو د ندو د لایحې څخه هاخوا فعالیتونه او کړنې تر سره کړي.
په دې ورزنیز پروګرام کې د کرنې وزارت د بشري سرچینو ریاست او ددې وزارت د بېلابېلو ریاستونو ۶۰ تنه کارکووني ګډون لري. په دې روزنیز پروګرام کې پر خپل وخت ارزونې، د ارزونې مستند کول، د ارزونې پروخت له مادون سره د آمرینو د کړنو څرنګوالي او دغه راز د سلیقه یي ارزونو مخنیوي په هکله ګډونوالو ته روزنه ورکول کیږي.