د مالدارۍ ۲۵ شرکتونه د خوندیتوب او خوراکي توکو د کیفیت مدیریت تصدیق لیکونه تر لاسه کړل

mail-admin
دوشنبه ۱۳۹۹/۱۱/۲۰ - ۱۶:۲۶
۲۵ شرکت مالداری گواهی‌نامه مصونیت و مدیریت کیفیت مواد غذایی گرفتند

۲۰ سلواغه ۱۳۹۹
د کرنې، اوبولګولو او مالدارۍ وزارت له خوا د مالدارۍ ۲۵ شرکتونه د خوندیتوب او خوراکي توکو د کیفیت مدیریت تصدیق لیکونه تر لاسه کړل.
په هغه غونډه کې، چې د یادو تصدیق لیکونو د وېش په پار د امریکا متحده ایالاتو نړیوالې ادارې «USAID» د مالدارۍ ځنځیري ارزښت پروژې یا «HACCP&ISO 9001» له خوا جوړه شوې وه د کرنې، اوبولګولو او مالدارۍ وزیر ډاکټر انوارالحق احدي وویل، چې دا تصدیق لیکونه د صادر شویو تولیداتو او محصولاتو د معیاري کولو په پار دي.
ښاغلی احدي د حیواني محصولاتو د معیاري کولو په پار د امریکا متحده ایالاتو نړیوالې پراختیایي ادارې د مالدارۍ ځنځیري ارزښت پروژې څخه د مننې ترڅنګ، ددې پروژې له چارواکو غوښتنه وکړه، چې د حیواني او نباتي لابراټوارونو د تجهیز په برخه کې دکرنې وزارت سره مرستې وکړي.
د کرنې وزیر دغه راز وویل، کوم ۲۵ شرکتونه چې تصدیق لیکونه یې تر لاسه کړي دي، د نورو متشبثینو او پانګوالو د هڅونې په پار کولی شي، چې په نړیواله کچه خپل محصولات صادر کړي. هغه په ورته وخت کې په نړیوالو معیارونو برابر د محصولاتو پر سټنډرډ کولو او په دې برخه کې د وړتیاوو پر لوړولو ټینګار وکړ.
په دې غونډه کې د سوداګرۍ او صنایعو وزارت د معینیت سرپرست عبدالکریم ملکیار، هم د محصولاتو پر معیاري کولو ټینګار وکړ. هغه وویل: «د سوداګرۍ او صنایعو او کرنې وزارتونو ترمنځ سږکال یو هوکړه لیک لاسلیک شو، چې  پر بنسټ یې ټول کرنیز توکي، چې پیاوړي صادراتي پوټانشیل ولري، پېژندل کېږي او روسته پروسس، بسته بندي او پر معیاري کولو یې په ګډه کار کېږي. د ۲۰۲۱ کال تر پایه د اسټنډرکولو په پرخه کې ډېری ستونزې هوارېږي.»
ښاغلی ملکیار دغه راز وویل، چې د سوداګریزو جوازونو د ترلاسه کولو لړۍ کې ډېرې اسانتیاوې رامنځته شوي او اسانه شوی دی او سوداګر کولی شي، چې په څو ساعتونو کې جواز ترلاسه کړي.
په همدې حال کې د مالدارۍ ځنځیري ارزښت او د خوراکي توکو د خوندیتوب د پروژې  «HACCP»رییس احمد ذکریا احمدزی وویل، چې تر دې دمه له ۲۴ شرتونو سره د سوداګرۍ وزارت په همغږۍ مرستې شوي دي، چې د المان، چین او هندوستان په نړیوالو نندارتونونو کې ګډون وکړي.

تازه ترین اخبار

سه‌شنبه ۱۴۰۴/۳/۱۳ - ۱۷:۲۹
Background image

خوست کې د څارویو لپاره د وینه‌بهېدونکې تبې او چینجیو پر وړاندې د وقایوي کمپاین څارنه وشوه


۱۳ غبرګولی ۱۴۰۴ ه‍.ش
۶ ذُو الحِجَّةِ ۱۴۴۶ه‍.ق
د خوست ولایت د کرنې، اوبو لګولو او مالدارۍ ریاست د څارویو روغتیا او مالدارۍ آمریت آمر ډاکټر انعام الله جاوید د یاد ریاست له ځینو مدیرانو. . .

سه‌شنبه ۱۴۰۴/۳/۱۳ - ۱۰:۱۸
Background image

پکتیا کې د کانګو وینه بهېدونکې تبې د مخنیوي کمپاین څخه څارنه ترسره شوه

۱۳ غبرګولی ۱۴۰۴ ه‍.ش
۶ ذُو الحِجَّةِ ۱۴۴۶ه‍.ق
د پکتیا د کرنې، اوبو لګولو او مالدارۍ ریاست اړوند د مالدارۍ آمریت کارکوونکو له لوری د یاد ولایت د مرکز ګردیز او څمکنیو ولسوالۍ کې د کانګو. . .

سه‌شنبه ۱۴۰۴/۳/۱۳ - ۱۰:۹
Background image

هلمند کې د څارویو سټراګانو پلورنځیو څارنه وشوه

۱۳ غبرګولی ۱۴۰۴ ه‍.ش
۶ ذُو الحِجَّةِ ۱۴۴۶ه‍.ق
د هلمند ولایت د کرنې، اوبو لګولو او مالدارۍ ریاست اړوند د مالدارۍ او حیواني روغتیا امریت کارکوونکو د هلمند ولایت په مرکزي سیمه کې هغه. . .

بازگشت