د مالدارۍ سکټور پیاوړتیا په پار هڅې؛ د لښکرګاه بولان کې حیواني کلینیک ګټې اخیستنې ته وسپارل شو

۲۳ لیندۍ ۱۴۰۴ هـ.ش
۲۳ جُمَادَى الثاني ۱۴۴۷ هـ.ق
د هلمند ولایت د کرنې، اوبولګولو او مالدارۍ ریاست اړوند د مالدارۍ او حیواني روغتیا امریت له لوري، د مرکز لښکرګاه بولان په سیمه کې یو باب حیواني کلینیک له ترمیم او له بشپړې چمتووالي وروسته ګټې اخیستنې ته وسپارل شو.
یاد حیواني کلینیک چې د وروستیو تحولاتو پر مهال تخریب شوی و، د کرنې، اوبولګولو او مالدارۍ وزارت د مالدارۍ ریاست له خوا ورته د ترمیم او تجهیز ځانګړې شوې بودیجې په مټ، د تدارکاتي مراحلو تر بشپړېدو وروسته، د یوې میاشتې په موده کې په عصري او معیاري ډول ورغول شو.
د ترمیم په لړ کې د کلینیک ټولې اړوندې برخې ورغول شوې او لازمې اسانتیاوې ورته برابرې شوې. همدارنګه، د یادونې وړ ده چې نوموړي کلینیک پخوا احاطوي دېوال نه درلود، چې د ترمیم ترڅنګ ورته نوی احاطوي دېوال هم جوړ شو، څو د خدماتو د وړاندې کولو لپاره مناسب او خوندي چاپېریال رامنځته شي.
د چارواکو په خبره  په دغه حیواني کلینیک کې به مجرب او مسلکي وترنر ډاکټران مالدارانو ته معیاري، پر وخت او اغېزمن حیواني روغتیايي خدمات وړاندې کړي، چې دا به د حیواني ناروغیو د مخنیوي، د مالدارۍ د سکتور د پیاوړتیا او د مالدارانو د اقتصادي وضعیت د ښه والي لامل شي.