د خوست غلام خان بندر کې د خوسا شویو کچالو د واردولو مخه ونیول شوه
۴ وری ۱۴۰۴ ه.ش
۲۴ رَمَضانُ المُبارَک ۱۴۴۶ه.ق
د خوست ولایت د کرنې، اوبولګولو او مالدارۍ ریاست د کرنیزو چارو آمریت اړوند د غلام خان بندر نباتي کرنتین مدیریت کارکوونکو د پاکستان څخه افغانستان ته د وارېدېدونکو کچالو معاینه وکړه.
د کرنتین مدیریت د دقیقې ارزونې پر مهال، معلومه شوه، چې په یو ټیلر موټر کې شاوخوا ۲ ټنه کچالو خوسا او بېکاره دي. له همدې امله، یاد کچالو له روغو کچالو جلا او په یو مناسب ځای کې د خاورو لاندې شول. تر دې وروسته، پاکو او روغو کچالو ته د واردولو اجازه ورکړل شوه.
