د بڼوالۍ ځنځیري ارزښت د پراختیا پروژه په پکتیکا ولایت کې د پیازو او کچالو د ۴۱ زېرمتونونو چارې ۹۵ سلنه بشپړ کړی دی

mail-admin
سه‌شنبه ۱۳۹۹/۹/۴ - ۱۳:۴۸
پروژه‌ی انکشاف زنجیره‌ی ارزش باغداری کار ساخت ۴۱ ذخیره‌گاه پیاز و کچالو را در پکتیکا ۹۵ درصد تکمیل کرده است


۴ لیندۍ ۱۳۹۹
د کرنې، اوبولګولو او مالدارۍ وزارت د کرنیزو محصولاتو مدیریت د طرحې په اډانه کې او د بڼوالۍ ځنځیري ارزښت د پراختیا پروژې «HVCDSP»، له لارې د پکتیکا په ولایت کې د پیازو د ۲۴ زېرمتونونو او دکچالو ۱۷ زېرمتونونو رغنیزې چارې ۹۵ سلنه بشپړ کړی دی.
ددغو پروژو پاتې پنځه سلنه چارې د یوې اوونۍ په ترڅ کې بشپړیږي.
دغه زېرمتونونه په ټولیزه توګه د ۲۲ میلیونه او ۲۷۹ زره او ۸۵۰ افغانیو په لګښت جوړیږي. له دې ډلې د کچالو د زېرمتونونو د جوړولو لګښت ۱۰ میلیونه او ۴۷۳ زره او ۷۳۸ افغانۍ او د پیازو د زېرمتونونو لګښت ۱۱میلیونه او ۸۱۶ زره او ۱۱۲ افغانۍ ده.
بزګرانو لپاره ددغو بنسټونو د جوړولو ۸۰ سلنه لګښت دکرنې وزارت او یوازې ۲۰ سلنه لګښت یې برخمن شوي بزګران ورکوي.
له دغو زېرمتونونو څخه په ګټې اخیستنې سره پکتیکایي بزګران کولای شي، چې د کال نږدې ۴۹۲ مټریک ټنه پیاز او کچالو زېرمه کړي.
تېرکال د پکتیکا ولایت په ۶۱۰ هکټاره ځمکه کې کچالو او ۵۵۰ هکټاره ځمکه کې پیاز کرل شوې و، چې له دغو کروندو څخه اووه زره او ۳۲۰ مټریک ټنه کچالو او ۵۵۰ مټریک ټنه پیاز تر لاسه شوې وه.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت