دکرنې وزارت له يوشمېر پروژو څخه د المان د ملاتړ دوام

mail-admin
چهارشنبه ۱۴۰۰/۴/۹ - ۱۰:۳۲
دکرنې وزارت له يوشمېر پروژو څخه د المان د ملاتړ دوام

۹ چنګاښ ۱۴۰۰
دکرنې، اوبولګولو او مالدارۍ وزارت د اوبولګولو او طبيعي سرچينو مرستيال حشمت‌الله غفوري، د افغانستان او المان د چارواکو په هغه غونډه کې، چې د ياد هېواد له خوا دکرنې وزارت دپروژو د همکاريو د دوام په موخه جوړه شوې وه ګډون وکړ.
په دې ناسته کې د افغانستان له خوا دکرنې وزارت د اوبولګولو او طبيعي سرچينو مرستيال ترڅنګ د لوړو زده کړو او ماليې وزارتونو مرستيالان او د انرژۍ د تنظيم ادارې او برېښنا شرکت لوړپوړو چارواکو هم ګډون کړي و. د المان له خوا په کابل کې د المان سفير اکسیل زیلدر او ددې هېواد يوشمېر لوړپوړو چارواکو په انلاين ډول حضور درلود.
په دې غونډه کې دواړو خواوو د افغانستان ملي لومړيتوبونو، کارموندنه، د اقليم بدلون، انرژۍ، هر اړخيزه سوله، د لومړيتوبونو له اډانې بهر پر همکاريو خبرې اترې وکړې.
ددې ترڅنګ په دې ناسته کې د ژوند دوام لپاره د ځنګلونو د بيارغونې پر پروژې(FLRL‎‏)، خبرې وشوې. ددې پروژې د پلي کېدو موخه د ځنګلونو بيارغول، د ايکوسيسټم ښه تنظيم، د اقليم بدلون د اغېزو ټيټولو په پار د وړتياوو لوړول او دغو بدلونونو پر وړاندې مقاومت دی.
د المان فدرال جمهوريت چارواکو په دې ناسته کې وويل، چې ياد هېواد د کرنې وزارت له پروژو له ډلې ملي لومړيتوبونو، اقتصادي پراختيا او د افغانستان کرنيز پراختيا له پروژو څخه خپل ملاتړ ته ادامه ورکوي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت