خوست کې ۳۲۵ بېوزله کورنیو ته څاروي ورکړل شوي دي

mail-admin
شنبه ۱۳۹۹/۵/۴ - ۱۵:۳۱
خوست کې ۳۲۵ بېوزله کورنیو ته څاروي ورکړل شوي دي
 
۴ زمری ۱۳۹۹
د خوست د کرنې، اوبولګولو او مالدارۍ ریاست چارواکي وایې، چې د«اړیکو دفتر» په همکارۍ ددې ولایت په مرکز او دغه راز علي شېر، باک، صبریو او موسی خېلو ولسوالیو کې ۳۲۵ کورنیو ته غواوې، مېږې او وزې ورکړل شوي دي.
په دې موخه په جوړه شوې غونډه کې د خوست والي محمدصدیق پتمن په خوست کې د بېوزله کورنیو د ملاتړ او ددې ولایت د مالدارۍ د پراختیا په پار د کرنې وزارت کړنې وستایل او یاده پروژه یې د بېوزله کورنیو د عوایدو د لوړولو په برخه کې اړین ګام وبلل.
په همدې حال کې د خوست د کرنې رییس حفیظالله شاه نوري وویل، چې په یادو ولسوالیو کې د غواوو، مېږو او وزو د وېش په پار سروې شوې، چې د سروې له مخې د۳۲۵ اړمنو کورنیو داقتصادي ودې په پار دوی ته غواوې، مېږې او وې ورکړل شوي دي. ښاغلی نوري وویل، چې ددې پروژې ټولیز لګښت ۲۲.۵ میلیونه افغانۍ ده.
دغه راز د یادو مرستو د برخمن شویو کورنیو په استازي توب حاجي فضل قادر خبرې وکړې، هغه د کرنې وزارت هلې ځلې وستایل او له اړمنو کورنیو او مالدارانو سره د کرنې ریاست له مرستو څخه مننه وکړه. حاجې فضل وویل، چې د کرنې وزارت د دوی د اقتصادي ودې د غوړېدا په پار پایښت لرونکي مرستې کوي.
ددې پروژې د پلي کولو موخه په دې ولایت کې د مالدارۍ سکټور ته پراختیا ورکول او د بېوزلو کورنیو اقتصادي ملاتړ دی.
په ورته وخت کې، د خوست دکرنې رییس حفیظالله شاه نوري دغه راز وویل، چې په دې ولایت کې ۵۱۰ راجسټر شوي فارمونه شتون لري، چې د شېدې ورځنۍ تولید یې ۲۸ زره لېټرو ته رسیږي. ښاغلی نوري دغه راز وویل، چې د خوست د کرنې ریاست په پام کې لري، چې ددې ولایت د مالدارۍ د تولیداتو د پروسس او بسته بندۍ په پار مجهز اوعصري پروسس سنټر هم جوړ کړي. ددې ترڅنګ په روان کال کې ددې ولایت په سپېره او علي شېر ولسوالیو کې بزګرانو ته د چرګانو ۲۵۰ نیمه سوداګریز فارمونه هم جوړیږي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت