خوست کې د ۲۲۲ نویو بڼونو د رغولو چارې پیل شوې

mail-admin
سه‌شنبه ۱۴۰۰/۱/۳ - ۱۳:۳۸
خوست کې د ۲۲۲ نویو بڼونو د رغولو چارې پیل شوې

۳ وری ۱۴۰۰
د خوست دکرنې، اوبولګولو او مالدارۍ ریاست وایي، چې د کرنې وزارت د کرنې او خوړو خوندیتوب بېړنۍ پروژې «EAST» په مرسته ددې ولایت په مرکز او ولسوالیو کې د ۲۲۲ جریبه نویو بڼونو د رغولو چارې پیل شوي دي.
د خوست دکرنې، اوبولګولو او مالدارۍ رییس حفیظ الله شاه نوري وایي، چې، سږکال به د خوست په ولایت کې د بڼوالۍ ځنځیري ارزښت دودې سکټوري پروژې «HVCDSP» له خوا د خرماوو او سټروسو ۸۱ جریبه بڼونه، د تېلو پروژې له لارې ۱۲۰ جریبه بڼونه او د کرنې وزارت د کرنې او خوړو خوندیتوب بېړنۍ پروژې «EAST» له خوا ۲۲۲ جریبه بڼونه جوړ شي، چې د «EAST» له خوا د ۲۲۲ جریبه بڼونو د جوړولو په پار پر بڼوالو د مېوه لرونکو نیالګیو د وېش لړۍ پیل شوې ده.
ښاغلی نوري وویل، چې په ۱۳۹۹یم کال کې د خوست ولایت په مرکزي قوریو کې ۲۳۰ زره مثمر او غیر مثمر نیالګي او د تېلو موسسې په همکارۍ پنځه زره نیالګي چمتو او پر خوستمېشتو ولسونو وېشل شوي دي.
د خوست دکرنې ریاست پر دې سربېره، چې کروندګرو ته به تصديق شوي نيالګي ورکړي، له هغوی سره د باغونو په نقشه اچولو، د اوبولګولو د سيسټم په جوړولو او د بڼوالۍ د مديريت اړوند ځينو نورو برخو کې هم تخنيکي او فني مرستې کوي.
د خوست د کرنې ریاست چارواکي وایي، چې د مېوو نوي بڼونه جوړول په دې ولایت کې د بڼوالۍ په برخه کې ښه پرمختګ دی.
د کرنې وزارت هلې ځلې کوي، چې خوست ولایت کې بڼوالۍ ته وده ورکړي، هغه ونې دود کړي، چې په ډېره لنډه موده کې مېوه نیسي او ښه کمیت او کیفیت لرونکي وي، تر څو د بڼوالۍ محصولات ډېر او د بڼوالو عواید زیات شي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت