د کونړ ۷ ولسوالیو کې مالدارانو سره د مرستې لړۍ پیل شو
۹ زمری ۱۴۰۲ه.ش
۱۳ مُحَرَّمُ الحَرام ۱۴۴۵ه.ق
د کونړ دکرنې، اوبولګولو او مالدارۍ ریاست د کرنې د پراختیا نړیوال صندوق په مالي او د هالنډ کمېټې په تخنیکي همکارۍ ددې ولایت په ۷ ولسوالیو کې پر یوشمېر مالدارانو د دوی د وریو او پسونو د مزي کولو په پار د څارویو د خوراکي توکو د وېش لړۍ پیل شوي دي.
ددې پروګرام په ترڅ کې مالدارانو ته د څارویو متراکمه خوراکي توکي وېشل کېږي.
ددې مرستې موخه د څارویو د متراکمو خوراکي توکو ترویج، د غوښې د تولید زیاتوالی، د مالدارانو اقتصادي پیاوړتیا او خلکو ته دکار زمینه برابرول دي.
