ننګرهار کې د بزګرانو د ستونزو هوارولو په پار هڅې
۹ زمری ۱۴۰۲ه.ش
۱۳ مُحَرَّمُ الحَرام ۱۴۴۵ه.ق
د ننګرهار د کرنې، اوبولګولو او مالدارۍ ریاست اړوند د ترویج مدیر سنګر صادق د بټي کوټ مرستیال ولسوال سره د بزګرانو د ستونزو حل او بټي کوټ ولسوالی ترویج مدیریت سره د لا زیاتې همکارۍ په موخه ناسته ترسره کړه.
د ننګرهار دکرنې ریاست د ترویج مدیر سنګر صادق څخه د بټی کوټ مرستیال ولسوال ددې ولسوالی دبزګرانو او مالدارنو د ستونزو په حل کې د همکارۍ غوښتونکی شو.
دترویج مدیر د بټي کوټ ولسوالی د کرنیزو خدمتونو مدیریت ته دنده وسپارله ترڅو دبزګرانو او مالدارانو ستونزې ولسوالی مقام سره په همغږۍ راتولې او د وروستي کړنو په موخه د کرنې ریاست ته را ولېږي.
د ننګرهار د کرنې ریاست دترویج مدیر سنګر صادق چې د ستروس او خرماُ مدیر سیدناصر پاچا او دسبو او مېوو مدیر کفایت الله ذاکر یې ملتیا کوله په بټي کوټ ولسوالی کې د یو شمېر بزګرانو او مالدارانو ستونزې له نږدې ولیدي، چې یادې ستونزې د بټي کوټ مرستیال ولسوال سره شریکي شوې، ترڅو د حل یوه مناسبه لار ورته ولټول شي.
په همدې حال کې د بټي کوټ مرستیال ولسوال د بزګرانو د ستونزو حل په برخه کې د هر راز همکارۍ ډاډ ورکړ.
