دننګرهار چپرهار کې سلګونو بزګرانو سره دکرنيزو توکو مرسته وشوه
٧ زمری ۱۴۰۲ه.ش
١١ مُحَرَّمُ الحَرام ۱۴۴۵ه.ق
د ننګرهار د کرنې، اوبولګولو او مالدارۍ ریاست تر چتر لاندې د اکشن آیډ موسیسي په تخنیکي همکارۍ او د ملګرو ملتونو د خوړو او کرنې ادارې په مالي لګښت ددې ولایت چپرهار ولسوالی کې ۱۰۵۰ بېوزله بزګرانو سره د کرنیزو توکو او اصلاح شویو تخمونو مرسته وشوه.
د چپرهار ولسوالی د ترویج مسولینو په خبره په کرنیزه بسته کې تسکوره، پنجه کش او یو پاکټ د پیازو اصلاح شوي تخم شامل وه، چې پر بزګرانو وېشل شوي دي.
وړاندې تردې هم یادو بزګرانو ته د اکشن آید له لورې یوه بیلچه او ۷ ډوله د سبو اصلاح شوي تخمونه وېشل شوې وه.
ددغو توکو او اصلاح شویو تخمونو د وېش موخه بزګرانو پر ځان بسیا کول او د اصلاح شوي تخمونو ترویجول دی.
همدارنګه بزګرانو ته د سبو د ځمکې اماده کولو، کښت، کرنیزو عملیو، اوبولګولو، ناروغیو او ګڼو نورو موضوګانو روزنه هم ورکړل شوې ده.
