د لوګر محمدآغه کې د څلور میلیونه افغانۍ په لګښت د اوبولګولو د یوې پروژې چارې پیل شوې
د لوګر دکرنې، اوبولګولو او مالدارۍ ریاست چارواکي وایي، چې د سولې بنسټ مؤسسې په مالي او تخنیکي همکارۍ ددې ولایت د محمدآغې ولسوالی د سفید سنګ په کلي کې د شاه کند کانال د رغونې چارې پیل شوي دي
د یادی پروژی پرانیست غونډه کې دلوګر دکرنې، اوبولګولو اومالدارۍ رییس.مولوی سیدامین هاشمي سربېره، دسیندیزې حوزې رییس ملامحمداسماعیل آخندزاده، د محمدآغې ولسوال مولوی میرهاشم حزب الله، دسولې بنسټ ولایتي مسؤولینواو دسیمې قومی مشرانو ګډون کړی وو.
دغه کانال د محمدآغې ولسوالی په سفید سنګ کلی کې موقعیت لري او د ۱۲۰۰ متره اوږدوالی درلودونکۍ دی، چې د کاري چارو له بشپړېدو وروسته به ۱۰۲ هکتاره کرنیزه ځمکه ترې خړوبه شي او د دوه میاشتو په موده به په اساسي او پاخه توګه جوړ شی.
باید وویل شي، چې ددې پروژې په جوړېدو سره به په سیمه کې د اوبو د ضایعاتو مخنیوی تر څنګ په کرنیزو محصولاتو کې زیاتوالۍ راشي.
د سیمې خلکو د یادی پروژې له پلي کېدو خوښي وښودل اوله مسؤولینو یې وغوښتل ترڅو دې ته ورته نورې پروژې دې لا هم زیاتې کړي.
ددې پروژې موخه د اوبو د ضایعاتو د مخنیوي ترڅنګ د کروندګرو کروندو ته پروخت د اوبو رسول او خلکو ته د کار زمینه برابرول دي.
