د پکتیا نباتي درمل پلورنکو سره د کرنې رییس غونډه
د پکتیا د کرنې، اوبولګولو او مالدارۍ ریاست وایي، چې د پکتیا ولایت دکرنې رییس الحاج مولوي عبدالرؤف سعید د مرکز ګردیز اړوند د نباتي درمل پلورنکو سره ناسته ترسره کړه.
په یاده ناسته کې د پکتیا د کرنې، اوبولګولو او مالدارۍ رییس مولوي عبدالرؤف سعید، د کرنيزو چارو آمر عبدالله حلیم زی، بوټو ساتنې او قرنطين لوی مديريت کارکوونکي او نباتي درمل پلورونکو ګډون درلود.
په دې غونډه کې د پکتیا د کرنې، اوبولګولو او مالدارۍ رییس عبدالرؤف سعيد د غونډې ګډون والو ته د ښه را غلاست ترڅنګ د مالدارۍ او نباتي درمل پلورلو په اړه هر اړخیزه وینا وکړه.
وروسته دبوټو ساتنې مديريت لخوا د نباتي درملو پلورلو جواز اخيستلو، په نباتي درمل پلورنځيو کې د مسلکي شخص موجوديت، د ممنوعه درملو نه پلورل او همدارنګه د مالداري او نباتي درملو ځانګړی پلورنځايونو په اړه د کرنې، اوبو لګولو او مالدارۍ وزارت هدايات اوشرايط بيان شوه.
دغونډې په پای کې يوه پاڼه خبرتيا هر نباتي درمل پلورونکي ته ورکړل شوه.
