د هلمند ناد علي کې لسګونه مالداران روزل کېږي
د هلمند ولایت د کرنې، اوبولګولو او مالدارۍ ریاست لخوا، د افغانستان لپاره د هالنډ کمېټې په مالي همګارۍ په نادعلي ولسوالی کې ٦٠ تنو مالدارانو ته دویروسي ناروغیو د مخنیوی په هکله عامه پوهاوی ورکول کېږي.
ددغې پروسې له لارې مالدارانو ته په عملي او نظري ډول روزنه ورکول کېږي تر څو مخکې له دې چې ویروسي ناروغي یې مالونو ته زیان واړوي مخه یې ونیول سي .
په ورته وخت کې دسیمې مالداران د یاد پروګرام څخه خوښي ښیي او وایي، چې د حیواني ناروغیو مخنیوی په برخه کې د عامه پوهاوی تر څنګ دې د حیواني درملو مرستې هم ورسره وشي.
د هلمند د کرنې ریاست هڅه کوي ترڅو د مالدارانو د ملاتړ په موخه په بېلابېلو برخو کې ددې ولایت د کوچیانو او مالدارانو لاس نیوی وکړي، چې د هلمند مرکز لښکرګاه په ګډون به په ګڼو ولسوالیو کې د اړتیا وړ خدمات ترسره شي.
