د ننګرهار څېړنیز فارم کې پر یوشمېر بوټو څېړنې کېږي
۲۱ چنګاښ ۱۴۰۲ه.ش
۲۴ ذیالحِجّة ۱۴۴۴ ه.ق
د ننګرهار د کرنې، اوبولګولو اومالدارۍ ریاست په څېړنیز فارم کې د مختلفو نباتاتو دتجاربو په پار کرنه ترسره شوه.
د ننګرهار دکرنې ریاست اړوند د څېړنیز فارم مسوول شکیب عطایي وایي، دوی په تېره اوونۍ کې په یاد څېړنیز فارم کې په دوه جریبه ځمکه د سویابینو دتخم دتولید اوزیاتوالي لپاره کرنه ترسره کړه، دسویابینو د۱۶ ډولونه د محیطي شرایطو سره توافق او حاصل ورکولو په پار وکرل شو.
همداراز پر ۴ جریبه ځمکه د جوارو دوه ډوله ژررس او شمال کرل او د بستر اماده کول ترسره شوې، د جوارو د ۱۰ ډولونو کرل د غوره او بهتره ورایټیو پیداکولو لپاره ترسره شوي دي.
په ورته وخت کې د شولو د دوه اګرانومیکي تجروبي د کرلو وخت او نایتروجني سرو په منظور، د جرم پلازم په برخه کې د شولو د۴۱ مختلفو نوعو لپاره د بستر اماده کولو او د مېوو په ملي کلکسون کې دنرم کاري، هرزه ګیاوو کنټرول او په ۷ واړه ملي کلکسونوکې نور کرنیز فعالیتونه د کلکسون د ساتني او جدي مراقبت په موخه رواني دي.
دننګرهار څېړنیز فارم ملي کلکسون ۷ کلکسونونه لري، چي د ستروسو، لوکاټو، خرما، زیتون، سرو املوکو، انارو او انځر کلکسونونه په کې شامل دي.
