هلمند کې د ځمکو د غصب مخنیوی او غصب شویو ځمکو بېرته راګرځولو تخنیکي کمېټې غونډه دائره شوه
۲۱ چنګاښ ۱۴۰۲ه.ش
۲۴ ذیالحِجّة ۱۴۴۴ ه.ق
هلمند کې د ځمکو د غصب مخنیوی او غصب شویو ځمکو بېرته راګرځولو تخنیکي کمېټې غونډه دائره شوه.
په دې غونډه کې، د یادې کمېټې رییس الحاج مولوي نظر محمد صدیقي ترڅنګ د عدلیې رییس الحاج مولوي محمد محمدي، د کار او ټولنیزو چارو رییس مولوي رحیم الله مخلص، د قضایای امارت آمر مولوي عبدالقاهر عاصم، د امنیې قوماندانۍ استازی ملا عبدالرحمن طلحه، د ځمکو امریت استازی انجنیرحامد او نورو غړو هم حضور درلود.
د غونډې په ترڅ کې د غونډې ګډوانوالو د ٤ املاکي دوسیو ترتیب شوي راپورونه تحلیل او مطالعه کړل چې له ډلې یې ټول ٤ ترتیب شوي راپورونه تائید او لاسلیک شول.
ورپسې په نهرسراج ولسوالی کې د معلم عبدالله د ځمکې موضوع وارزول شوه او راتلونکي غونډې ته د تخنیکي پلاوی لخوا د ترتیب شوي پوښتنلیک د ځوابو سره مل جانبین راوغوښتل شول .
ددې ترڅنګ په ګرشک ولسوالی کې د حاجي طیب، د نوزاد ولسوالی د رازدان او پایاب سیمو، په مرکز لښکرګاه کې د کریکېټ لوبغالي سره د لارې موضوع، د باباجي ولسوالی اړوند د ادې باغ په سیمه کې د عبدالبصیر خان موضوع، د حاجي شیرین خان د ورثه وو د ځمکې موضوع او د ګڼو نورو ولسوالیو په اړونده سیمو کې د اشخاصو او افرادو ترمنځ د امارتي ځمکو موضوعات وڅېړل شول او په هره برخه کې په جلاجلا ډول ارزونې وشوې.
وروسته د هلمند ولایت د بېلابېلو ادارو له لوري تخنیکي پلاوی ته پر راجع شویو املاکي عرایضو بحث او خبري وشوې، د یادو موضوعاتو د څېړنو او ارزونو په برخه کې هم لازم اجرائت ترسره شول .
د غونډې په پای کې دغه راز تخنیکي پلاوی د لسګونو مراجعینو املاکي ستونزې په مخامخ ډول واورېدې هغوی ته یې د اصولو له مخي د قانوني کړنو ډاډ ورکړ.
