خوست کې د مالدارۍ له یوشمېر پروژو څارنه وشوه
۲۰ چنګاښ ۱۴۰۲ه.ش
۲۳ ذیالحِجّة ۱۴۴۴ ه.ق
د خوست دکرنې، اوبولګولو او مالدارۍ ریاست چارواکو په داسې حال کې، چې د ملګرو ملتونو د خوړو او کرنې ادراې د جنوبي زون مسوول ډاکټر عبدالحلیم ناصري، د خوست د مالدارۍ او حیواني روغتیا مسوولو ډاکټر روښان او د حیواني روغتیا مدیر ډآکټر قاسم یې ملتیا کوله د خوست ولایت علي شېر ولسوالی هارون خېل کلي کې د ملګرو ملتونو د خوړو او کرنې ادارې د (ان،اي،سي) پروژې د فعالیتونو څارنه وکړه.
ددې سفر په ترڅ کې په یاد کلي کې د ملګروملتونو د خوړو او کرنې ادارې له خوا مېرمنو ته د ۳۰ قطعه یي چرګانو فارمونو جوړول، د څارویو د پوستکي ناروغۍ د واکسینو پلي کولو کمپاین او بټي ټاني حیواني کلینیک څخه څارنه وشوه.
دغه راز یاد پلاوي د ګربزو ولسوالی حیواني کلینیک څخه هم لیدنه وکړه.
ددې لېدنې او څارنې موخه خلکو ته د غوره چوپړتیا وړاندې کول دي.
