پروان کې د ځمکې د غصب مخنیوی او غصب شویو ځمکو د بېرته را ګرځولو کمېټې کړنې
۱۹ چنګاښ ۱۴۰۲ه.ش
۲۲ ذیالحِجّة ۱۴۴۴ ه.ق
پروان کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي خپلې هلې ځلې ګړندي کړي دي.
د دغو هلو ځلو په دوام د یادې کمېټې یوشمېر غړو ددې ولایت بګرام ولسوالی ته د سفر په ترڅ کې امارتي ځمکې تثبیت کړل.
یاد سفر د پروان ولایت د تخنیکي پلاوي رییس مولوی محمد رحیم نعماني په مشری تر سره شوه، چې د احکامو او فرامینو د تعقیب او نظارت رییس مولوی خان محمد خبیب، د ولایت مستوفي مفتي کفایت الله حقاني، د امارت دقضایاوو آمر مولوی صدیق الله قدوسي، د ښار جوړولو رییس انجنیر نعمت الله حنیف، د کدستر سروی مسؤل انجینر عبدالبشیر نظري او د پلاوي تخنیکي سکرتر عتیق الله الهام ګډون درلود.
باید وویل شي، چې د پروان ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
