پروان کې د امارتي ځمکې غصب مخنیوی تخنیکي پلاوی د استیناف محکمې رییس سره وکتل
۳۰ غبرګولی ۱۴۰۲ه.ش
۲ ذیالحِجّة ۱۴۴۴ ه.ق
د پروان د امارتي ځمکې د غصب مخنیوی او غصب شویو ځمکو بېرته راګرځولو تخنیکي پلاوي رییس او غړو یې ددې ولایت د استیناف محکمې رییس مولوی روح الله «عبدالسلام» سره د غونډې په ترڅ کې پر بېلابېلو موضوعاتو خبرې اترې وکړې.
په دې غونډه کې د پروان ولایت د تخنیکي پلاوی ریس مولوی محمد رحیم '' نعماني'' د عدلیی ریییس مولوی صاحب عبدالقدیر ''عابد '' د احکامو او فرامینو دنظارت او تعقیب رییس مولوی صاحب خان محمد ''خبیب '' د شاروالۍ رییس مولوی سید نیکمل آغا د امارت دقضایاوو آمر مولوی صاحب صدیق الله ''قدوسي '' دکدستر سروي مدیر انجینر عبدالبشیر''نظري '' او د امارت دقضایاوو سکرتر عتیق الله ''الهام '' ګډون درلود.
د غونډې په پیل کې د پروان د ځمکې غصب مخنیوی او غصب شویو ځمکو بېرته راګروځولو تخنیکي پلاوي رییس مولوی محمد رحیم نعماني د یاد تخنیکي پلاوي د کار او فعالیت په هکله خبرې وکړې. دغه راز په دې غونډه کې د یوشمېر دوسیو له ډلې د خم کلان سیمې پر دوسیه هم خبرې اترې وشوې.
په دې غونډه کې د استیناف محکمې رییس یاد پلاوي ته د هرراز همکاریو ډاډ ورکړل او په چارو او فعالیتونو کې پر همغږۍ ټینګار وکړ.
دغه راز د غونډې په ترڅ کې د غونډې نور ګډونوال هم په خپل وارسره خپل نظرونه او وړاندیزونه شریک کړل.
