دکندهار د کرنې ریاست: د څآرویو د غوښې کنټرول په پار کمپاین ترسره شو
دکندهار دکرنې، اوبولګولو او مالدارۍ ریاست ددې ریاست د مالدارۍ او حیواني روغتیا مسلکي ټیم په ملتیا په دې ولایت کې د لویو او کوچنیو څارویو او چرګانو د غوښې کنټرول په پار کمپاین پیل کړی دی.
یاد کمپاین د کندهار دکرنې رییس مولوی محمود مظلوم په سپارښتنه پیل شوې، چې په ترڅ کې یې ددې ولایت له هوټلونو او سالونونو څخه نظارت ترسره شول.
ددې کمپاین موخه د بې کیفیته او ناروغو څارویو او چرګانو د غوښې له استفادې څخه مخنیوی ښودل شوی دی.
