د ننګرهار کانال پر ځمكه جوړ ١٢ د تېلوپمپونه مهرلاک شول
٢٧ غبرګولی ۱۴۰۲ه.ش
٢٨ ذو القعدة ۱۴۴۴ ه.ق
د ننګرهار کانال ریاست چارواکي وايي، چې د هډې فارم اړوند ثمرخېلو پاټک څخه تر کابل کيمپ پورې د سړك دواړو خواوو ته جوړ ١٢ هغه دتېلو پمپونه مهرلاک شول، چې له تېرو شاوخوا دوو کلونو راهیسې يې خپلې کرايی نه وی تحویلې کړي.
د چارواکو په خبره یادو تېلو پمپونه ته مو له بېلابېلو لارو خبرتیاوی ورکړې وي، دغو تېلو پمپونو قانون نه سرغړونه کوله، اوس به يې ترهغې د تېلو پمپونه مهرلاک او تړلي وي، ترڅو چې يې خپلې کرایانی نه وي تحویل کړي.
د ننګرهار کانال شرکت چارواکي وایي، چې ننګرهارکانال د محافظ ټولي په مرستې او همکارۍ دغه د تېلو پمپونه مهرلاک شوي دي، د ننګرهار کانال شرکت په ځمکه ګڼ شمېر سوداګريز دوکانونه، د تېلو پمپونه، مارکيټونه او نور جوړ دي، چې له تېرو څو کلونو میلیونه افغانۍ کرایي پرې باقي پاتې دي، کچېرته يې خپلې بقاياوى په وخت تحويل نه کړې دا ډول قانوني چلند به ورسره ترسره شي، بيا به د شکايت حق ونه لري.
