غزني کې پر ٥٥٨ بزګرانو د سبو تخمونه او کرنیزې کڅوړې ووېشل شول
د غزني ولایت د کرنې، اوبولګولواو مالدارۍ ریاست په هلو ځلو له د ناروې هېواد په مالي ملاتړ د غزني ولایت واعظ ولسوالی پر ٥٥٨ مستحقو او اړمنو بزګرانو د کورنیو باغچو اړوند د سبو تخمونه او کرنیز وسایل ووېشل شول.
په وېشل شویو کڅوړو کې د سبو تخمونه لکه د کدو، رومی بانجانو،ګ لپی، شلغم، تورو بانجانو، بنډۍ او کرمو تخمونه او کرنیز وسایل لکه چاری، کشک او یوسرۍ کُلنګ او داسې نورې توکي شامل دي.
له ویشل شویو کڅوړو څخه موخه د اړمنو بزګرانو لاس نیوۍ او په دې ولایت کې دکورنیو باغچو دودول او ترڅنګ یې د سبو حاصلاتو زیاتوالی دی.
