هلمند کې ١١٠ بزګرانو سره د جوارو تخم او کیمیاوی سرو مرستې وشوې
۶ غبرګولی ۱۴۰۲ه.ش
۷ ذو القعدة ۱۴۴۴ ه.ق
د هلمند دکرنې،اوبولګولو او مالدارۍ ریاست د "DCA"مؤسسې په همکارۍ ددې ولایت مارجې ولسوالی کې له ١١٠ بزګرو سرم د جوارو تخم او کیمیاوي سرو مرسته وکړه.
دهلمند ولایت کرنې ، اوبولګولو او مالدارۍ ریاست چارواکي وايي چې ، د DCA مؤسسې په مالي همکارۍ د مارجې ولسوالی ١١٠ تنو مستحقو بزګرو سره، چې د سروې او انتخاب چارې یې مخکې بشپړ شوي دي د جوارو اصلاح شوی تخم او تورې سرې مرسته ترسره شوه.
ددې مرستو په لړ کې هر بزګر ته ٢٥ کیلو ګرامه د جوارو اصلاح شوی تخم او ٥٠ کیلوګرامه تور سره شامل دي.
د سروې په لړ کې د ګډې کمېټې لخوا هغه کورنۍ په نښه او انتخاب شوي دي، چې د ټيټ اقتصاد لرونکي ؤ .
د یادونې وړ ده چې یادو بزګرو ته د ښې کرکېلې په اړه عامه پوهاوی هم ورکول شوی دی.
