خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
۲ غبرګولی ۱۴۰۲ه.ش
۳ ذو القعدة ۱۴۴۴ ه.ق
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
د غونډې په پیل کې د تيرې غونډې په ځينو مهمو موضوعاتو باندې مفصلې خبرې وشوې.
دغه راز په دې غونډه له یوشمېر عاریضونو او هغو کسانو سره چې د تخنیکي پلاوي له خوا راغوښتل شوي ول خبرې اترې وشوې او ترڅنګ د للمۍ اوسیدونکي سره د نوموړي د موضوع په ارتباط تر خبرو اترو وروسته لازمې پرېکړې وشوې.
له دې وروسته د حاجي طوطاخیل په نوم شخص سره دده د موضوع په تړاو اوږد جر و بحث وشو چې په اړه به یې لازم تصمیم ونیول شي.
باید وویل شي، چې د خوست ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
