د هلمند سنګین کې ٢٠٠ بې سرپرسته کورنیو ته د چرګانو کوچني فارمونه جوړېږي
۳۱ غویی ۱۴۰۲ه.ش
۱ ذو القعدة ۱۴۴۴ ه.ق
دهلمند ولایت د کرنې، اوبولګولو او مالدارۍ ریاست لخوا ، د OHW مؤسسې په مالي همکارۍ٢٠٠ بېوزلو کورنیو ته د چرګانو وړو فارمونو جوړولو په موخه د مستحقینو د سروې او انتخاب چارې پیل شوي دي.
ددې مرستو په لړ کې هرې کورنۍ ته ٣٠قطعې چرګان، ١٥٠کیلوګرامه خوراکه، د مرغانجې دروازه او کلکین، اوبه خور او دانه خور او نور توکي شامل دي.
د سروې په لړ کې به د ګډې کمېټې لخوا هغه کورنۍ په نښه شي. چې بې سرپرسته وي، یتیمان ولري او د ټيټ اقتصاد لرونکي وي.
د یادونې وړ ده، چې دغه پروسه د هلمند مرکز لښکرګاه په ګډون په نورو ولسوالیو کې هم پلي کېږي.
