هلمند کې یوشمېر کب روزونکي وروزل شول
۳۱ غویی ۱۴۰۲ه.ش
دهلمند ولایت د کرنې، اوبولګولو او مالدارۍ ریاست په هلوځلو، ددې ادارې اړوند د مالدارۍ او حیواني روغتیا آمریت لخوا دکب روزلو ٣٠ فارم لرونکو ته دوه ورځنیو زده کړو تر څنګ د اړینو توکو مرسته وشوه.
نوموړو فارم لرونکو ته د کبانو د ښې روزنې او پالنې په موخه ددو ورځو په لړ کې عملي او نظري زده کړې ورکول شوې تر څو له مخې یې د فارمونو په روزنه کې ترې ګټه واخلي .
ددې تر څنګ نوموړو فارم لرونکو ته یو شمېر عصري او پرمختلي توکي چې د کبانو روزنې فارم لپاره اړین دي ووېشل شول.
دغه مرستې د AVC مؤسسې په مالي ملاتړ چمتو شوې وې چې راتلونکي کې به هم دغه لړۍ دوام ومومي.
ددې مرستې موخه د کب روزونکو ملاتړ او په ټوله کې په دې ولایت کې د کب روزنې سکټور ته وده ورکول دي.
