د میدان وردګ اوله حصه کې بېوزلو کورنیو سره مرستې وشوې
د میدان وردګو ولایت دکرنې، اوبولګولو او مالدارۍ ریاست د (STARS) مؤسسې په تخنیکي او د (OCHA) ادارې په مالي مرسته ددې ولایت اوله حصې ولسوالی پر ٣١٤ بېوزله کورنیو نغدې پيسې وېشلي دي.
د چارواکو په خبره ددې مرستې په ترڅ کې یاد ٣١٤ کورنیو هر یوه کورنې ته ٦٢٧٣ افغانۍ ورکړل شوي دي.
د یادونې وړ ده، چې یاده پروژه به په شپږو پړاوونو کې پلي شي، چی دویم پړاو یې پهبریالیتوب د میدان وردګو ولایت د کرنې ریاست تر نظارت لاندې عملي شوه
ددې مرستې موخه د بېوزله کورنیو لاس نيوي او د دوی اقتصادي غوړېدا ته زمينه برابرول دي.
