ننګرهار کې د ځمکې غصب او غصب شويو ځمکو د بېرته راګرځولو کمېټې غونډه دائره شوه
۲۸ غویی ۱۴۰۲ه.ش
۲۸ شَوّال المُکَرَّم ۱۴۴۴ ه.ق
د ننګرهارولایت د امارتي، مرعي او وقفي ځمکو د غصب څخه د بېرته راګرځولو تخنیکې پلاوی ټولو غړو د ننګرهار د کرنې ادارې او تخنیکې پلاوی رییس مولوی عبدالستار محمد په مشری غونډه ترسره کړه.
ددې غونډې په ترڅ کې پر بېلابېلو موضوعاتو د خبرو اترو ترڅنګ، پریکړه وشوه چې د حاجي ظاهر قدیر په نامه ښارګوټی د اسنادو او سوابقو د څېړلو لپاره دې یو فنی او مسلکې ټیم سره د نقشو د تخنیکې پلاوی مشرتابه سره سیمې ته لاړ شي، او موضوع باید دقیقه وڅېړل شي، همداراز د روداتو ولسوالی اړوند د سرخ دیوال سیمه کې د فیض محمد څرخي د تبادله يي ځمکې پر موضوع هم بحث وشوو، او پرېکړه وشوه، چې د تبادلې په اړه د وخت فرمان او نور سوابق باید دقیق وڅېړل شي او دوسیه يي بشپړه او د وروستي اجرااتو په موخه کمیسون ته واستول شي.
بله خوا تخنیکي پلاوی مشرتابه د ټولو ولسوالیو مسؤلینو باندې غږ وکړ چې د امارتي، سلطاني، مرعي او وقفي ځمکو د غصب څخه د بېرته راګرځولو برخه کې خپلي کړنې ګړندۍ کړي، او هیچاته اجازه ورنه کړي، چې امارتي ځمکې غصب کړي او یا يې د اجارې ورکولو مانع ورګرځي.
