خوست کې د ځنګلونو خوندیتوب په پار هڅې
۲۸ غویی ۱۴۰۲ه.ش
۲۸ شَوّال المُکَرَّم ۱۴۴۴ ه.ق
د خوست د کرنې، اوبولګولو او مالدارۍ رياست په دې ولایت کې د ځنګلونو خوندیتوب او پراختيا په پار هڅې پیل کړي دي.
په همدې موخه د خوست د کرنې رییس مولوی محمد زمان عمري ددې ولايت نادر شاه کوټ ولسوالی ته د سفر په ترڅ کې ددې ولسوالی له چارواکو، قومي مشرانو او یوشمېر اوسیدونکو سره د ځنګلونو د خوندیتوب او پراختيا په پار خبرې وکړې.
د خوست د کرنې رییس د ددې ولسوالی له خلکو او چارواکو وغوښتل،چې د ځنګلونو د ساتنې او پراختيا په برخه کې له دوی سره مرستې او همکارۍ وکړي.
په همدې حال کې، د نادر شاه کوټ ولسوالی قومي مشرانو په یاده برخه کې د هرډول همکاریو ډاډ څرګند کړل.
