خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
د غونډې په پیل کې د تيرې غونډې په ځينو مهمو موضوعاتو باندې مفصلې خبرې وشوې.
دغه راز په دې غونډه کې د غصب شوویو ځمکو د سروې، تثبیت او عامه او خاصو ځمکو د معلوماتو په خاطر د ګروپ بندۍ په اړه او هم د هر ګروپ د غړو او دندو په هکله خبرې وشوې ترڅنګ یې، د اباګل همجوار موضوع په اړه چې کوم قومي مشران را غوښتل شوي ول هغوی سره د نوموړي د موضوع په موخه خبرې وشوې او په هکله یې لازمې پرېکړې وشوې، همداراز د صبریو ولسوالی ښاروال سره د ده د موضوع په اړه چې موضوع یې تخنیکي پلاوی ته راغلي ده خبرې وشوې او لازمې پرېکړې وشوې، همدارازد ځاځیمیدان ولسوالی اړوند مولوي سیدکریم شاه سره د ده د موضوع په هکله خبرې اترې شوې.
په دې غونډه کې دغه راز د راتلونکې کار د پلان پر جوړولو او د چارو د لا ښه پرمختګ په پار نظرونه وړاندې شول.
