د کندهار خاکریز کې د پاملرنې مؤسسې د فعالیتونو څارنه وشوه
۱۸ غویی ۱۴۰۲ه.ش
۱۸ شَوّال المُکَرَّم ۱۴۴۴ ه.ق
دکندهار دکرنې، اوبولګولو او مالدارۍ ریاست وایي، چې ددې ولایت د خاکریز ولسوالی کې د پاملرنې موسسې د چارو د ارزونې په پار د کندهار دکرنې رییس مولوی محمود مظلوم په سپارښتنه ددې ولایت د څارویو د روغتیا او مالدارۍ آمر حاجي محمد حامد په مشرۍ پلاوي ټاکل شوې وه، چې د خاکریز ولسوالی کې د یادې مؤسسې فعالیتونه وڅاري.
دغه راز ددې ولسوالی د مالدارۍ د ښې ودې په پار د خاک ریز په بازار کې د سیمې یوتن مالدار ته د څاریو او چرګانو خوراکي توکو او د فارمونو د اړتیا وړ توکو د پلور هټی پرانیستل شو، چې له یوې یاد کس ورڅخه دخپل کور لګښتونه پوره او له بلې خوا ددې ولسوالی مالدارۍ سکټور پراختیا ته زمینه برابره شي.
د کندهار دکرنې، اوبولګولو او مالدارۍ ریاست هلې ځلې کوي، چې ددې ولایت په کچه د مالدارۍ سکټور پراختیا ته زمینه برابره کړي.
