د پکتیا ولایت د غصب مخنیوي او غصب شویو ځمکو د تشخیص او تثبیت پلاوي شپږ ویشتمه غونډه
۱۲ غویی ۱۴۰۲ه.ش
۱۲ شَوّال المُکَرَّم ۱۴۴۴ ه.ق
د پکتیا ولایت د غصب مخنیوی او غصب شویو ځمکو د تشخیص او تثبیت پلاوي شپږ ویشتمه کاري غونډه د یاد ولایت څارنوالۍ ریاست کې جوړه شوه، چی پکې د پکتیا ولایت د غصب د مخنیوی او غصب شویو ځمکو د تشخیص او تثبیت تخنیکي پلاوی رییس او غړو ګډون درلود.
یاده غونډه چې د پکتیا ولایت څارنوالۍ ریاست کې دایره شوه د یاد تخنیکی پلاوی غړو په جوړه شوې ناسته کې په خپل وار سره د تېرې اوونۍ د ترسره شوو چارو اړوند راپورنه وړاندې کړل او د راتلونکی اوونۍ لپاره یې په پلان شوې عملي طرحه خپل نظرونه او مشورې د غونډې ګډونوالو سره شریک کړل په دې غونډه کې دغه راز پرېکړه وشوه، چې د پکتیا د غصب مخنیوي او غصب شویو ځمکو د تشخیص او تثبیت پلاوي راتلونکی چهارشنبه ددې ولایت د محکمې سره غونډه ترسره کوي، همدارازهغو ولسوالیو ته چې ټاکل شوی پلاوی سفر لري باید پای ته یې ورسوي. ددې ترڅنګ په دې غونډه کې دغه راز پرېکړه وشوه، چې د پکتیا ولایت د د غصب مخنیوي او غصب شویو ځمکو د تشخیص او تثبیت پلاوي سیمو ته سفر وکړي، ترڅو د ځمکو سروی او ثبت ترسره شي.
د غونډی په وروستیو شیبو کې د نیک نام، تیری او دولت زیو سیمو استازو سره لیدنه ترسره شوه په یاده لیدنه کې د نیک نام سیمې استازو ته استعلامونه ورکړل.
