د لوګر د ځمکې غصب مخنیوی پلاوی د مرافعې محکمې رییس سره وکتل
د لوګر د ځمکې غصب مخنیوی او غصب شوی ځمکو د بېرته راګرځولو د تخنیکي پلاوي رییس په داسې حال کې چې د یاد پلاوی غړو یې هم ملتیا کوله د دغه ولایت د مرافعې محکمی له نوی ټاکل شوی رییس مولوی موسی کلیم عاصم سره په خپل کاري دفتر کې ګډه ناسته ترسره کړه.
د ناستې په لړکې د یادې محکمې له مسؤولینوسره دامیرالمؤمنین فرمان، ځینې ستونزې او کړنلارې شریکې کړې،همدارنګه دځمکو د غصب څخه دمخنیوی تخنیکي پلاوی کاري چارو په چکتیا هر اړخیز بحث وشوو.
د ناستې په پای کې پریکړه وشوه، چې دواړه لوري به په پوره همغږۍ او چټکتیا د غصب مخنیوی چارې پر مخ بیایي، دمحکمې مسؤولینو زیاته کړه، چې د تخنیکي پلاوی له لوری ورته راغلې دوسیې به تعقیب او وڅېړي.
باید وویل شي، چې دغه ناسته په داسې حال کې ترسره کېږي، چې څه موده وړاندې مولوی موسی کلیم عاصم د امیرالمؤمنین د حکم په اساس د لوګر ولایت د مرافعې محکمې د رییس په توګه خپله دنده رسماً پیل کړه.
