د ننګرهار کانال ریاست په ۴۰۰ جریبه د غنمو اصلاح شوي تخمونه کرل شوي
د ننګرهار دکانال ریاست چارواکي وایي، چې د یاد ریاست په همکارۍ د غنمو اصلاح شوې تخمونو د تولید په پار دکرنیزو شرکتونو له خوا په شاوخوا ۴۰۰ جریبه ځمکه کې د غنمو د اصلاح شوي تخمونو د تولید په پار غنم کرل شوي دي، چې ۳۵۰ ټنه د غنمو اصلاح شوي تخمونه به ترې ترلاسه شي.
د چارواکو په خبره له دغو ځمکو څخه تر لاسه شوې د غنمو اصلاح شوي تخمونه به د بزګرانو په واک کې ورکړل شي، چې ورسره به د غنمو د حاصلات کچه لوړ او د بزګرانو اقتصادي ودې ته به زمینه برابره شي.
