د ننګرهارکانال کې د شاتو مچیو د روزنې کاروبار غوړېدلی
۲۴ وری ۱۴۰۲ه.ش
۲۲ رَمَضانُ المُبارَک ۱۴۴۴ ه.ق
د ننګرهارکانال ریاست چاراکي وایي، چې ددې کانال په څلورګونو فارمونو کې اوسمهال د شاتو مچیو روزنې سکټور په غوړېدو دی اوپه دې برخه کې ګڼ شمېر هېوادوال په کاروبار بوخت دي.
د ننګرهارکانال په شته فارمونو کې د مچیو د روزنې زمینه مساعده ده او دا مهال د هېواد د نورو ولایتونو څخه ډېرو کسانو مچۍ ننګرهار کانال یادو فارمونو ته راوړي دي، چې دلته یې روزنه وکړي او ترې ښه عسل ترلاسه کړي.
د شهدو کاروباریان وايي، چې پلوڅه شهد، شینشوبې شهد او د بېرې شهد دلته په ننګرهارکې ډېر مینه وال لري.
افغانستان د شاتو مچيو روزلو او شاتو توليد لپاره مناسبه هوا او چاپېريال لري او دا د دې سبب شوې، چې په دې هېواد کې د شاتو مچيو روزلو صنعت ورځ تر بلې وده وکړي.
باید وویل شي، چې ننګرهارکانال پخپلو شته فارمونو کې د شهدو مچیو روزنې او ترې سوچه شهد ترلاسه کولو په موخه کابو ۲۳ زره د بېرو ونې کرلي دي .
