د لوګر دکرنې ریاست: د کانالونو کېندلو چارې په چټکۍ روانې دي
د لوګر دکرنې، اوبولګولو او مالدارۍ ریاست وایي، چې په دې ولایت کې د اوبولګولو کانالونو د کېندلو چارې په چټکۍ روانې دي.
د لوګر دکرنې ریاست د طبیعي سرچینو آمر د لوګر مرکز پل علم اړوند هوني سیدانو او ده مغلان سیمو له کارې چارو لیدنه وکړه او د لیدنې ترڅنګ یې پر کاریګرو محافظتي کڅوړوې هم ووېشل.
په یاده سیمه کې اوس مهال ۵۰ تنو ته د بشري ځواک اداری لخوا د کارکولو زمینه برابره شوې چې هر کاریګر ته اته زره اوپنځه سوه افغانۍ میاشتنۍ معاش ورکول کېږی.
د ویلو وړ ده، چې په ویشل شویو محافظتی کڅوړو کې یوه جوړه موزی،عینکې او لاس ماغوشامل وه.
ددې پروژې موخه دسپرلی له راتګ سره سم هغه کانالونه چې د سېلابونو له وجی ډک شوی د بزګرانو د ستونزو حل او بې وزګاره خلکو ته د کاري زمینې برابرول او د بې وزګارۍ د کچې ټیټول ښودل شوی دی.
